رێڤەبەرێ کاروبارێن مەسیحیان ل وەزارەتا ئەوقاف و کاروبارێن ئاینی ل ھەرێما کوردستانێ راگەھاند؛ بۆ پشکداریکرنا نڤێژێ ل گەل پاپایێ ڤاتیکان پتری ١٠ ھزار کەسان ناڤێ خوه نڤێسییە و ھەموو مه‌سیحیێن ھەرێما کوردستانێ و ئیراقێ ژی تێدا ھەنە.
خالد ئەلبێرتى دیار كر، پاپا د سەرەدانا خوه دا بۆ باژێرێ ھەولێرێ دێ ل یاریگەھا فرانسۆ حەریری نڤێژێ بۆ مەسیحیێن ھەرێما کوردستانێ و ئیراقێ کەت و بۆ ڤێ مەرەمێ ژی ١٠ ھزار مەسیحی دشێن پشکداریێ د وێ نڤێژێ دا بکەن.
گۆت ژى: ئەو كه‌سێن ناڤێن خوه تۆمار كرین ناڤێن وان دھێنە رەوانەکرن بو کەنیسێ و ب ھەماھەنگی ل گەل ئاساییشا ھەولێرێ و ھووربینى د وان ناڤان دا دهێته كرن.
بریارە پاپا فرانسیس پاپایێ ڤاتیکانێ ل پێنجى ئادارا ئه‌ڤساله دا سەرەدانا كوردستانێ و ئیراقێ بکەت.
