حەشدا شەعبی و پەکەکێ ھێرشا ل سەر ھەولێرێ کرییە

کەنالێ (الحدث) یێ عەرەبی راگەھاند، حەشدا شەعبی یا ئیراقی و پارتییا کارکەرێن کوردستانێ پەکەکە د ھێرشا مۆشەکی دا ل سەر ھەولێرا پایتەختێ ھەرێما کوردستانێ پشکدار بوون.
کەنالێ (الحدث) ژ زارێ ژێدەرەکێ تایبەت ژ واشنتۆنا پایتەختێ ئەمریکا ئاشکرا کر، ل گۆرەی لێکۆلینێن ل دۆر ھێرشا ل سەر ھەولێرێ ھاتیە کرن وەسا دیار بوویە، دو گرۆپێن میلیشیایێن حەشدا شەعبی و گرۆپەکێ سەر ب پارتییا کارکەرێن کوردستانێ پەکەکێ ڤە ئەو ھێرش ل سەر فرۆکخانەیا ھەولێرێ کرییە.
ژێدەری ئاشکرا ژی کرییە، واشنتۆن رژدە سەرەدەریەکا نوو د گەل وان ھێرشان بکەت یێن ل سەر بەرژەوەندی و سەربازێن وان ل ئیراقێ دھێنە کرن، پشتەڤانییا خوە ژی بۆ لێکۆلینێن بەرپرسێن ئیراقی دیار کر کو بگەھن ئەنجامەکی و ھێرشکەران سزا بدەن، لێ بەحس ل چو بەرسڤێن راستەخۆ بۆ وان گرۆپان نەکری.