سەرۆکێ حکومەتا ھەرێما کوردستانێ پێشوازی ل بەرپرسێ دەستەیا رێکخراوێن جەماوەری و پیشەیی یێ پارتی و سکرتاریەتا ئێکەتیێن قوتابی و لاوان کر.
مەسروور بارزانی د دیدارەکێ دا ب ھەلکەفتا ٦٨ سالییا دامەزراندنا ئێکەتییا قوتابیێن کوردستانێ و ئێکەتییا لاوێن دیمۆکراتا کوردستانێ پیرۆزی ل ھەردو رێکخستنان کر و ھیڤیا سەرکەفتنێ و بەردەوامیێ بۆ خواست.
مەسروور بارزانی ئاشکرا کر، وان ھەردو رێکخستن د قۆناغێن جودا یێن شۆرش و خەبات و تەڤگەرا رزگاریخوازا گەلێ کوردستانێ دا، رۆلەکێ گرنگ و پیشەگ و دیرۆکەکا گەش ھەیە، ھەروەسا قوتابخانە بوون بۆ پێگەھاندنا چەندین سەرکردێن ژێھاتی کو خزمەتەکا بەرچاڤ پێشکێشی کوردستانێ کرییە.
مەسروور بارزانی دوپات کر کو پێدڤیە ئێکەتییێن قوتابی و لاوێن دیمۆکراتا کوردستانێ بەردەوامیێ بدەنە رۆلێ خوەیێ پێشەنگ بۆ پێشڤەبرنا ھزرا نشتیمانپەروەری و شیانێن خوە پێشڤە ببەن بۆ مفاوەرگرتنێ ژ پێشکەفتنێن سەردەم دا بشێن ب باشترین شێوە خزمەتا کوردستانێ بکەن.
