بەرپرسێ ڕاگەهاندنا پۆلیسێن پاڕێزگەها دهۆکێ، هێمن سلێمان ڕاگەهاند، ل ناحیا سەرسنکێ دوو کەس رابووینە ب دانانا پەیجێن سەختە بۆ سەردابرنا خەلکی لێ ب خۆشحالیڤە کو پۆلیسێن وان شیاینە وان هەردوو کەسان دەستەسەربکەن و رادەستی دادگەهێ بکەن.
هێمن سلێمان ئەویەکژی دیارکر، کارێ ڤان کەسان ئەو بوویە کو ب بهانەیا راگەهاندنا دەلیڤەیێن کاری خەلک سیڤی و زانیاریێن خۆ بۆ فرێکەن و دگەلدا داخازا فەیسبۆک و ژمارا نهێنی یا ئیمەیلێن وی خەلکی کرینە کو وی خەلکی ژی ب سادەییا خۆ باوەری ب ڤان کەسان ئینایە و رابوونە ژمارەیێن خۆ یێن نهێنی و ڕوپەلێن خۆ ب وان کەسان داینە، د بەرامبەر دا وان دوو کەسان فێلبازی ژ وی خەلکی دکرن یێن کۆ کەفتینە د دەستێ وان دا.
ناڤبری ئاماژە ب وێ چەندێ ژی کر، وان هەردوو تۆمەتبارا دانپێدان ب تاوانێن خۆ کرینە و نۆکە ب بریارا دادوەری د ڕاگرتینە.
