<h3 style="text-align: justify;"><span style="font-size: 18pt;">پشتى كو ل شه‌شێ شواتا 2021ێ ده‌واما قوتابخانان ده‌ست پێكرى، بریاره سوبه‌هى 15-2-2021ێ لژنا په‌روه‌ردێ ل په‌رله‌مانێ كوردستانێ گۆتوبێژان ده‌رباره‌یى ره‌وشا خواندنێ بكه‌ن.</span></h3> <h3 style="text-align: justify;"><span style="font-size: 18pt;">گوڵستان باقی، ئەنداما لژنا پەروەردێ ل پەرلەمانێ كوردستانێ بۆ خانى نیوز راگه‌هاند: پشتى ده‌ستپێكرنا ده‌وامان ل ناڤه‌ندێن خواندنێ، و هه‌تا نوكه ره‌وش یا ل ژێر كۆنترۆلێ دایه و نه‌گه‌هشتیه ئاستێ مه‌ترسیدار، ئه‌ڤه ژى دزڤریته ڤه بۆ رێكارێن خۆ پاراستنێ، د رووونشتنا وان دا دێ ئه‌نجامێ سه‌ره‌دانێن وان بۆ زانكۆ و په‌یمانگه‌هان هێنه گۆتوبێژكرن.</span></h3> <h3 style="text-align: justify;"><span style="font-size: 18pt;">ئەنداما لژنا پەروەردێ ل پەرلەمانێ كوردستانێ دیار كر ژى كو سوبه‌هى لژنا په‌روه‌ردێ و خواندنا بلند ل په‌رله‌مانێ كوردستانێ دێ كۆمبیت و دێ پێشنیارێن خۆ ده‌نه حكومه‌تێ ده‌باره‌یى ره‌وشا خواندنێ و بلاڤبوونا ڤایرۆسێ كۆرۆنایێ د ناڤ قوتابخانان دا و دیاركرنا هژمارا تووشبوویان.</span></h3> <h3 style="text-align: justify;"><span style="font-size: 18pt;">گوڵستان باقی، ئاماژه ب هندێ ژى دا كو ته‌وه‌ره‌كێ دیێ كۆمبوونێ دێ ل سه‌ر پاداشتێن مامۆستایان بن.</span></h3> <h3 style="text-align: justify;"><span style="font-size: 18pt;">هه‌روه‌سا رۆژا 23-2-2021ێ لژنا بلندا به‌رهنگاربوونا كۆرۆنایێ دیسان دێ كۆمبیته‌ڤه و دێ هه‌لسه‌نگاندنا ره‌وشێ كه‌ت.</span></h3> <h3 style="text-align: justify;"></h3> <h3 style="text-align: left;"><span style="font-size: 18pt;">خانى نیوز، عه‌بدوللا عه‌لى</span></h3>
