مه‌سروور بارزانی: دڤێت بودجه‌ ل سه‌ر بنه‌مایێن ده‌ستووری بهێته‌ بجهئینان

مه‌سروور بارزانی، سه‌رۆكێ حكومه‌تا هه‌رێما كوردستانێ پشتى كۆمبوونا جڤاتا وه‌زیران د پرێسكۆنفرانسه‌كی دا راگه‌هاند؛ ئه‌و د خوازت ل سه‌ر دو بابه‌تێن گرنك باخڤیت، بودجه‌یا حكومه‌تا فیدرال و هه‌رێمێ، بابه‌تێ دویێ ژی پێنگاڤێن به‌رنامه‌یێ چاكسازیێ یه‌.

مه‌سروور بارزانی گۆت: چه‌ندین جاره‌ سه‌ره‌دانا به‌غدا دكه‌ن ژ بۆ لێكتێگه‌هشتنێ ل سه‌ر بودجه‌ی و پشكا هه‌رێمێ، داخواز ژی كرینه‌، بودجه‌ بۆ خه‌لكێ ئیراق و تایبه‌ت هه‌رێمێ ب مفا بیت و هاریكارییا خه‌لكی بكه‌ت هه‌روه‌سا پێدڤییه‌ ل سه‌ر بنه‌مایێن ده‌ستووری و شه‌فاف بهێـته‌ بجهئینان و شایسته‌یێن دارایی یێن هه‌موو ئالییان به‌رچاڤ وه‌ربگرن نه‌ك بۆ خوه‌ بكه‌ن ده‌ستكه‌فت.

 سه‌رۆكێ حكومه‌تێ گۆت: د كۆمبوونا ئه‌ڤرۆ ژی دا چه‌ندین پێشنیاز هه‌بوون كو چه‌وانییا جێگیركرنا پشكا هه‌رێمێ د بودجه‌ی دا و رێككه‌فتنا د ناڤبه‌را حكومه‌ت و هه‌رێمێ دا ئه‌وبوو ب راده‌ستكرنا 250 هزار به‌رمیلێن په‌ترۆلێ د گه‌ل نیڤا داهاتێ هه‌رێمێ كو پێدڤییه‌ هه‌ردو بهێن راده‌ستكرن ل هه‌مبه‌ر شایسته‌یێن دارایی یێن كو پێدڤییه‌ حكومه‌تا فیدرال بۆ هه‌رێمێ دابین بكه‌ت.