بۆ جارا ئێكێ سەلاحەدین دەمیرتاشى، هەڤسەرۆكێ بەرێ یێ پارتییا دیمۆكراتیك یا گه‌لان هه‌ده‌پێ د زیندانێ دا پەیامەك ئاراستەی ئۆپۆزسیۆنا توركیا كرییه و ژ بۆ ئازادكرنا خوه داخواز ژێ كرییه كو فشاران ل سه‌ر حكومه‌تا ئەنقەرە دروست بكەن، داكو وى ئازاد بكه‌ن.
دەمیرتاشى د په‌یاما خوه‌دا گۆت: پێدڤییه هه‌موو پارتیێن ئۆپۆزسیۆنێ یێن توركیا فشارێن زێدەتر ل سه‌ر حكومەت و دادگەها توركیا بكەن، داكو نەچار ببن بریارا دادگەها ئه‌ورۆپا یا مافێن مرۆڤی بجهبینن و وی ئازاد بكەن.
ناڤهاتى د په‌یاما خوه دا گۆتییه ژى، د نها دا دادگەها توركیا ل ژێر ركێفا حكومەتێ دایە، دڤیت د نوكه دا پارتیێن ئۆپۆزسیۆنێ ل وى وه‌لاتى فشارەكا زێدەتر ل سەر حكومەتێ بكەن، داكو دادگەهـا توركیا ئازادانه بریارێن خۆ بدەت.
