نڤێسینگه‌ها راگه‌هاندنا سه‌رۆك كۆمارێ ئیراقێ، راگه‌هاندییه كو به‌رهه‌م سالح ئه‌ڤرۆ دوشه‌مبى 1-2-2021ێ پێشوازى ل چالاكڤانا ئێزدى نادیا موراد ل كوشكا ئه‌لسه‌لام ل به‌غدا كر، و د دیدارێ دا سه‌رۆكێ ئیراقێ ئاماژه دا شیانێن نادیا مورادێ و خه‌باتا وێ سه‌خمه‌راتى گه‌هاندنا تراژیدیایا ئێزدیان بۆ جیهانێ هه‌موویێ، و قوربانى دانا وێ و زیره‌كییا وێ بلند ل قه‌له‌م دا.
و ژلایێ خۆڤه، چالاكڤان نادیا موراد زۆر سوپاسیا سه‌رۆكێ ئیراقێ كر كو پێشوازیا وێ هاتییه كرن و هاریكاریا وى یا به‌رده‌وام د كێشه‌یا ئێزدیان دا، و تائكید ژى كر كو ئه‌و دێ یا به‌رده‌وام بیت ل سه‌ر كارێ خۆ سه‌خمه‌راتى كێشا ئێزدیان و زیانڤێكه‌فتیێن ژ ئه‌گه‌رێ تیرۆرێ.
