ریڤالدۆیێ بەرازیلی، یاریكه‌رێ به‌رێ یی یانا بارسێلۆنا یا ئسپانی دیار كر، جڤاتا کارگێرى یا یانا کەتەلۆنی، ل سه‌ر ده‌مێ سەرۆکاتیا جۆزێپ ماریا بارتۆمیۆى، شاشى كرییه، ده‌مێ ل هاڤینا بوورى لیۆنێل مێسی نەفرۆشتى.
ریڤالدۆى گۆت ژى، جڤاتا کارگێرى یا به‌رى نوكه یا بارسێلۆنا شاشى كرییه، ده‌مێ رێك نەدایه مێسی ژ وێ یانێ بچیت، ئه‌و دشیان کاره‌كێ هه‌ڤشێوێ بەرپرسێن ریال مەدرید بکەن، یێ كو وان بەرامبەر کریستیانۆ رۆنالدۆى كرى، ده‌مێ وان رۆنالدۆ ب 100 ملیۆن یۆرۆیان دایه یۆڤێنتۆس یا ئیتالى.
هه‌روه‌سا ئاشكرا كرییه، یا ب ئازارە مرۆڤ ببینیت یاریزانه‌كێ وه‌كو مێسی بێبەرامبەر رێزێن بارسێلۆنا بجهبهێلیت، هه‌ر چه‌نده یانا كه‌ته‌لۆنى چه‌ندین كێشێن دارایى هه‌نه و مێسى هه‌ر دێ ژ وێ یانێ چیت.
كۆژمێ قەرێن بارسێلۆنا ملیاره‌ك و 173 ملیۆن یۆرۆنه، نوكه ئه‌ڤ یانه‌یه د ره‌وشه‌كا دارایى یا نه باشدایه.
