ل دووڤ راپۆرتا رێکخراوەکا تایبەت ب مافێن مرۆڤی ل رۆژھەلاتێ کوردستانێ، دوو کەسێن دی ل سنە و بۆکان ھاتنە دەستە سەرکرن و د دوو حەفتییان دا ٧٤ کەس ژ لایێ ھێزێن ئەمنیڤە ھاتنە دەستە سەرکرن
ل دووڤ راپۆرتا رێکخراوا ھەنگاو بۆ مافێن مرۆڤی، ماوێ دوو حەفتییان دا پێلەکا دەستەسەرکرنا گەنجێن کورد ل رۆژھەلاتێ کوردستانێ و تەھرانێ و کەرەج دەست پێکرییە، و د رۆژانێن بۆری دا کەسەکێ تەمەن ٢٥ سالی خەلکێ گۆندێ ئالی کەند ل بۆکان ب ناڤێ سەردار محەمەد پوور ژ لایێ ناڤەندا ئێمناھیێڤە دەستە سەرکرییە و برییە جھەکێ نەدیار.
ژ لایەکێ دیڤە، رۆژا شەمبی ٢٣-١-٢٠٢١ێ وەلاتییەکێ خەلکێ سنە ب ناڤێ سیروان ئەمینی ژ لایێ ھێزێن ئەمنی ڤە بۆ جھەکێ نەدیار ھاتییە ڤەگۆھاستن.
ب پشت بەستن ب ئامارێن رێکخراوا ھەنگاو یا مافێن مرۆڤی د ماوێ ١٦ رۆژێن بۆری دا ٧٤ وەلاتیێن کورد ل دەڤەرێن تەھرانێ، کەرەج، کرماشان،سەولاوا ھاتینە گرتن کو ٩ کەس ژی چالاکڤان و ژن و کچێن رۆژھەلاتا کوردستانێ یە.
