81 ده‌ڤه‌ر ل هه‌رسێ پارێزگه‌هێن سێرت، ئێلهێ و شرنه‌خێ یێن باكورێ كوردستانێ وه‌كو ده‌ڤه‌رێ ئێمناهیێ هاتن راگه‌هاندن و ره‌وشا وان ده‌ڤه‌ران تا داویا سالێ دێ وه‌سا مینیت.
پارێزگه‌ها سێرتێ یا باكورێ كوردستانێ د به‌یانه‌كی دا راگه‌هاند، پشت به‌ستن ب بریارا سه‌رۆكاتییا كۆمارى یا رۆژا حه‌فتى ڤێ مه‌هێ ده‌ركه‌فتى، ژ رۆژا ئێكێ تا داویا ڤێ مه‌هێ سنۆرێن باژاركێ به‌روارى و دیهـ و هاوێل وه‌كو ده‌ڤه‌رێن ئێمناهى هاتن راگه‌هاندن، ره‌وشا هه‌شت ده‌ڤه‌ران ژى تا داویا سالێ دێ ب وێ شێوه‌ى بیت.
هه‌روه‌سا پارێزگه‌ها ئێلهێ ژى د به‌یانه‌كی دا ئاشكرا كر، د چارچووڤێ رێكارێن به‌رهنگاربوونا گه‌ریلایێن په‌كه‌كێ دا، 58 ده‌ڤه‌رێن چیایێن وێ پارێزگه‌هێ وه‌كو ده‌ڤه‌رێن ئێمناهیێ هاتینه راگه‌هاندن، ل پارێزگه‌ها شرنه‌خێ ژى 15 ده‌ڤه‌ر بوونه ده‌ڤه‌رێن ئێمناهیێ، ل گۆره‌ى وان بریاران هاتنوچوون و ده‌ركه‌فتن ل وان ده‌ڤه‌ران دێ قه‌ده‌غه بیت.
