ئەڤرو سپێدێ د. علی تەتەر پارێزگارێ دھۆکێ بۆ پتر ئاگەھداربوون ژ رەوشا وان ئاوارە و پەنابەران یێن دناڤ وان کەمپان دا سەرەدانا کەمپێن دۆمیز و شاریایێ کر .
د سەرەدانا خۆدا پارێزگارێ دھۆکێ دگەل کارگێریێن کەمپان و رێکخراوێن مرۆڤی و تیپێن ھونەری و رەوشەنبیری و موختارێن کەمپان کوۆمبوو و د کۆمبۆنێ دا وان ژی داخوازیێن خۆ پێشکێشی پارێزگاری کرن.
رێکخراوێن مرۆڤی و تایبەت UNHCR خوشحالیا خۆ دەربرین کو ل ھەرێما کوردستانێ ب گشتی و پارێزگەھا دھۆکێ ب تایبەتی خزمەتەکا باش یا پەنابەران دھێتەکرن و گووتژی پەیوەندیێن سازیێن میری دگەل پەنابەران گەلەک د موکوم و باشن.
پارێزگارێ دھۆکێ دیارکر کو روونشتڤانێن کەمپێن دۆمیز و شاریا خوشک و برایێن مەنە و ئەم د ئامادەینە بۆ ھەر خزمەتەکا پێدڤی و ئەو ژی پشکەکن ژ مە و گۆتژی کو پارێزگەھا دھۆکێ بێی جووداھی خزمەتا ھەموویان دکەت.
ھەروەسا پارێزگارێ دھۆکێ ئامادەبوونا خۆ دیارکر بۆ پشتەڤانیکرنا ھەر چالاکیەکا رەوشەنبیری و ھونەری ل ناڤا کەمپان دا بھێتە کرن ل دووف رێنامیێن تەندروستی و خۆپاراستنێ .
ل دووماھیێ ژی پارێزگارێ دھۆکێ بۆ سازیێن راگەھاندنێ گۆت: سەرەدانا بۆ کەمپێن دۆمیز و شاریایێ بۆ ھندێ بوو کو پتر ھایداری رەوشا وان ببن و داخوازیێن وان وەربگرین، ھەروەسا پارێزگاری داخازکر کو سازیێن حکومی یێن عیراقا فیدرال و رێکخراوێن مرۆڤی پتر ھاریکارییا ئاوارەیان بکەن.
خانی نیوز، سەعد عاسف
