سەندیکا رۆژنامەڤانێن تورکیا ب ھەلکەفتا شێست سالییا کارکرنا ھندەک رۆژنامەڤانان پەیامەک بەلاڤ کر و راگەھاند، نھا شێست و حەفت رۆژنامەڤان د زیندانێن تورکیا دانە.
سەندیکا رۆژنامەڤانین تورکیا د پەیامەکێ دا ئاشکرا کر، فشار ل سەر رۆژنامەڤانان ل تورکیا رۆژ بۆ رۆژێ زێدە دبیت و رێژا بێکاریێ د وی کەرتی دا دوجارکی ھندی تیکرایا بێکارییا وی وەلاتی یە.
ل وەلاتێ تورکیا ئەڤرۆ رۆژا ئێکشەمبی دەھی کانوونا دویێ رۆژا وان رۆژنامەڤانایە یێن بۆ دەمێ شێست سالان کارێ رۆژنامەڤانی کری، دەستھەلات و سەندیکا رۆژنامەڤان گۆتنێن جودا ل دۆر وێ رۆژی دکەن.
فەخرەدین ئالتۆن، سەرۆکێ فەرمانگەھا پەیوەندییان ل سەرۆکاتییا کۆمارییا تورکیا ئاشکرا دکەت، ئازادییا دەربڕینێ و راگەھاندنێ، د بیست سالێن بووری ب شێویەکی پیشکەفتییە کو د گەل چ دەمێن دی ناھیتە بەروارد کرن، لێ سەندیکا رۆژنامەڤان دبێژیت رۆژ بۆ رۆژێ فشار ل سەر رۆژنامەڤانان زێدە دبیت.
تورکیا.. 67 رۆژنامەڤان د زیندانان دانە
