ل درەنگییا شەڤا بوری ل پارێزگەھا دھوکێ کەسەک تەقەیێ ل بارەگایێ نەھێلانا مادەیێن ھۆشبەر دکەت ل تاخێ گڕێ باسێ.
مقەدم ھێمن سلێمان بەرپرسێ راگەھاندنا پولیسێن دھوکێ راگەھاند: درەنگییا شەڤا بوری ل سەنتەرێ پارێزگەھا دھوکێ کەسەکی د ناڤا ترومبێلا خو دا تەقە ل نڤێسینگەھا نەھێلانا ماده‌یێن ھۆشبەر کریە، و ب چەکێ کلاشینکوڤ ئەو تەقە ھاتییەکرن.
ناڤھاتی گۆت ژی: ھەر ئێکسەر ھێزێن ئەمنی ل وی جھی ئامادەبووینە بۆ ڤەکۆلینێ ژ روودانی، پشتی ڤەکولینان ئەو کەسە ھاتیە دەست نیشانکرن و ل ژێر گڤاشتنا کەس و کارێن وی ئەو بخوە خۆ رادەستی پۆلیسان کریە.
بەرپرسێ راگەھاندنا پولیسێن دھوکێ ئەو یەکژی دیارکر کو ئەو کەسێ تەقەکری ل ژێر کاریگەریا مەی ڤەخارنێ ئەڤ تاونە کریە، و ب روودانەکا کێم وێنە دھێتە ھژمارتن ل پارێزگەھا دھوکێ.
خانی نیوز، سەعد عاسف
