رێڤه‌به‌رێ گشتى یێ وه‌زاره‌تا بازرگانی و پیشه‌سازیێ ل هەرێما كوردستانێ دیار كرییە، بریارە ئەڤسالە پشكا ئاهێن خوارنێ یێن وەلاتیان و پارەیێ گەنمێ جۆتیاران بهێتە زێدە كرن.
نەوزاد كامل گۆت: ژ ئه‌نجامێ نەبوونا بودجێ پێدڤى، ل سالا 2020 ب تنێ 4 جاران پشكا ئاهێن خوارنێ ب سەر وەلاتیێن ئیراقێ و هەرێما كوردستانێ دا هاتینه به‌لاڤكرن و ئاهێن خوارنێ ژی پێكهاتبوون ژ شەكرێ و زەیتێ و برنجی.
ناڤهاتى ئاشكرا كر: د پرۆژەقانوونا بودجێ 2021 دا پتر ژ چار ترلیۆن دینار بۆ وەزارەتا بازرگانیا ئیراقێ و هەرێمێ دیار كرینە، هه‌كه ل جڤاتا نوونەرێن ئیراقێ رێگرى لێ نەهێتە كرن و بهێتە پەسەند كرن، ئاهێن خوارنێ یێن وەلاتیان و پارێ گەنمێ جۆتیارێن ئیراقێ و هەرێما كوردستانێ دێ هێنە دابین كرن.
