ئەمیندارێ گشتی یێ حزبوللا یا ئیراقی د نامەیەکێ دا بۆ سەرۆکوەزیرێن ئیراقێ و بالیۆزخانەیا ئەمریکا راگەھاند؛ ھێشتا دەم بۆ تۆلڤەکرنا قاسم سولەیمانی و ئەبو مەھدی موھەندیس مایە.
ئەبو حەسەن حومەیداوی، د بەیانەکێ دا بۆ موستەفا کازمی و بالیۆزخانەیا ئەمریکا راگەھاند؛ ھێشتا دەم بۆ تۆلڤەکرنا خوینا قاسم سولەیمانی و ئەبو مەھدی موھەندیس مایه و دوپاتکر کو میلیشیایێن وان د ئەڤرۆ دا ئەو نیازە نینن حکومەتا نھا یا ئیراقێ ب ھەلوەشینیت.
ئەبو حەسەن د نامەیا خوە دا بالیۆزخانەیا ئەمریکا ل بەغدا ژی پشتراستکر، کو وان ل بەر نینە ئەڤرۆ ھێرشێ بکەنە سەر بالیۆزخانەیا شەڕی کو مەبەستا وی بالیۆزخانەیا ئەمریکا یە بچنە د ناڤا وێ دا.
حزبوللا : مه ل بەر نینە ئەڤرۆ حکومەتا ئیراقێ ب ھەلوەشینین و ھێرشی بالیۆزخانەیا ئەمریکا بکەین
