خوەنیشاندانێن مەزن د سالڤەگەرا کوشتنا قاسم سولەیمانی و ئەبو مھدی موھەندس دا ئەڤرۆ ل بەغدا دێ ھێن كرن و وەزارەتا ناڤخوه به‌رهه‌ڤییه‌كا خوە باش کرییە.
دەستھەلاتدارێن ئاساییشا ئیراقێ راگەھاندییە؛ پلانا پاراستنا خوەنیشادانێن ئەڤرۆ رۆژا ئێکشەمبێ ھاتییە دانان کو بڕیارە میلیشیایێن ھەڤپەیمانێن ئیرانێ بۆ ساخکرنا سالرۆژا کوشتنا قاسم سولەیمانی و ئەبو مەھدی موھەندس خوەنیشادانێن مەزن بكه‌ن.
لیوا خالد مەحنا، پەیڤدارێ وەزارەتا ناڤخوه راگەھاند؛ وەزارەتا وان پلانەکا ئەمنی بۆ خوەنیشادانێن ئەڤرۆ دانایە و ھێزێن خوە ب توندی ئێخستینە د ئامادەباشیێ دا و رێکێن لاوەکی یێن جاددەیێن سەرەکی گرتینە و دەزگەھێن ھەوالگێری و کامیرێن چاڤدێریێ ئێخستینە بن کۆنترۆلێ.
ژ ئالییه‌كێ دى ڤه موقتەدا سەدر، رێبەرێ رەوتا سەدری، ھۆشداری ژ ناڤچوونا رەوشا سەربازی و ئێمناھیێ ل ئیراقێ دان و گۆت: پێدڤییە رێ ب بکارئینانا چەکێ ژ دەست دەرکەفتی نەدەن دا بۆ ئارمانجکرنا ھنارتیێن دبلۆماسی نەھێت بکارئینان.
موھەنەد ئەلعوقابی، پەیڤدارێ حەشدا شەعبی ژی راگەھاندبوو؛ لژنەیێن ڤەکۆلینان و دادگەھان بەردەوامن د ڤەکۆلینان دا و ھەموو ئالیێن ھاریکاریا ئەمریکا د کوشتنا سەرکردەیان دا کری دێ ھێن سزادان و ب گۆتنا عەقابی، زێدەتری 40 کەسێن ئیراقی و ئەمریکی تۆمەتبارن ب کوشتنا وان.
بەغدا.. خوەنیشاندانێن مەزن د سالڤەگەرا کوشتنا سولەیمانی و موھەندسی دا دێ ھێن کرن
