ئالان حەمە سەعید، وه‌زیرێ په‌روه‌ردا هه‌رێما كوردستانێ د كونفرانسه‌كێ رۆژنامه‌ڤانى دا ل هه‌له‌بچه ده‌رباره‌یى ڤه‌كرنا ده‌رگه‌هێن قۆتابخانا كو ژ هه‌یڤا 11 وه‌ره د داخستى نه و راگه‌هاند ژى كو 1-11 بریارا دائێخستنا ناڤه‌ندێن خواندنێ هاتبوو دان و تا نوكه ژى تووشبوویێن كورونایێ هه‌نه، ژبه‌ر ڤێ چه‌ندێ و ب بێ راگه‌هاندنا وه‌زاره‌تا ساخله‌میێ ئه‌م نه‌شێن چ بریاران بده‌ین سه‌باره‌ت ڤه‌كرنا قۆتابخانان، وه‌زاره‌تال ساخله‌میێ ژى دێ هه‌لسه‌نگاندنێن خۆ ده‌ته لیژنا بلندا روو ب رووبوونا كۆرۆنایێ و پاشى دێ بریار سه‌باره‌ت ڤه‌كرنا ده‌رگه‌ههێن قۆتابخانان هێته دان.
ئالان حه‌مه سه‌عید، ئاماژه ب وێ چه‌ندێ ژى دا كو ئه‌گه‌ر كۆمبوونا لیژنا بلند بریار دا كو ده‌رگه‌هێن قۆتابخانان دێ ب شێوه‌یێ قوناغ قوناغ و دێ ده‌ست پێكه‌ت، و ئه‌گه‌ر بریارا پاشئێخستنێ ژى دا ئه‌م دێ به‌رنامێ خۆ دارێژینه‌ڤه.
سه‌باره‌ت مووچێ مامۆستایان و فه‌رمانبه‌رێن هه‌رێما كوردستانێ، وه‌زیرێ په‌روه‌ردێ دیاركر ژى كو حكومه‌تا ئیراقێ و هه‌رێما كوردستانێ دانوستاندنان سه‌باره‌ت بۆدجا 2021ێ دكه‌ن، به‌لێ بابه‌تێ مووچه‌ى د كومبوونا جڤاتا ئه‌نجوومه‌نێ وه‌زیرێن هه‌رێما كوردستانێ دێ ل سه‌ر ئاخڤن و په‌یوه‌ندى ب وه‌زاره‌تا دارایى ڤه هه‌یه.
وه‌زیرێ په‌روه‌ردێ ئاشكرا ژى كر كو ساخله‌میێ و ژیانا مامۆستایان و قۆتابخانان ئه‌ڤ چه‌نده ژى ل به‌رى هه‌مى تشتان دهێت و هه‌تا كورونا هه‌بیت ژى و ره‌وش جێگیر بیت ئه‌م نه‌شێن بریارا ل سه‌ر ڤه‌كرنا قۆتابخانان بده‌ین.
