خانی نیوز: سامی رێکانی
پشتی کو بریارا بانکا ناڤەندییا عیراقێ بریارا بلندکرنا بھایێ دۆلاری ھەمبەری دینارا ئیراقی ئەڤێ چەندێ کارتێکرنەکا نەرێنی ب گشتی ل سەر بازاری دروستکریە و تایبەتی ل سەر پارچێن ئەردی، ناحییا شێلادزێ ژی کو ئێک ژ ناحیێن سەر ب قەزا ئامێدیێ ڤەیە و بزاڤا بازرگانیێ یا بھێزە و بازارێ کرین و فروتنا پارچێن ئەردی لاواز کریە.
وه‌لاتی شڤان عەلی دبێژیت: پتریا دراڤێ خەلکێ شێلادزێ پارێ ئیراقی یە و پشتی بھایێ دۆلاری گرانبووی گەلەک کەس یێن ھەین دکریا دانە و دڤێن پارچێن ئەردی بخو بکرن و خانیا ل سەر ئاڤا بکەن، لێ ژبەر نە جێگیربوونا بھایێ دۆلاری خەلک یێ دو دل بووی نەڤێتن پارێ خۆ دنوکە دا بگوھرن.
ئازادئەحمەد بکرێ ئەردوو خانییان دبێژیتن: لاوازییا کرین و فروتنا کەل و پەلان ب گشتی و یا ئەردو خانییان ب تایبەتی کەفتیێ، ئەم وەکو بکرێن کرین و فرۆتنا ئەردو خانییان ھەلبەت کارتێکرن ل مەژی یاھتییە کرن، ھەر پارچەیەکێ (٥ تا ١٠) وەرەقێن دۆلاری ھاتینە خارێ، ئەڤەژی بۆ وێ چەندێ دزڤریت هه‌كه وه‌لاتییەکی بەری نوکە دەفتەرەکا دۆلاری ب پارێ ئیراقی گوھری با و ب بھایێ بەری نوکە با لێ دنھا دا بھایێ ئێک وەرەقە (١٤٢) ھزارایە ئەڤە ژی نێزیکی ملیۆن و نیڤ هه‌تا دو ملیۆن دیناران زیان ب وه‌لاتیان دکەڤیتن.
رێبەر مرادخان خودانێ نڤیسینگەھا ئەردو خانیان دبێژیت: بھایێن کرین وفروتنا ئەردو خانییان بەری گران بیت بازار گەلەکێ خۆش بوو، خەلکی رۆژانە بازار دکرن و لێ پشتی ڤێ بریارێ خەلک مژوولی دۆلار کرینێ بوو پارچێن ئەردی گوھرین بۆ دۆلاری.
