دهێته پێشبینی كرن ئه‌ڤرۆ رۆژا دوشه‌مبى توركیا برێكا هه‌رێما كوردستانێ ده‌ست ب دانا كاره‌بێ بۆ ئیراقێ بكه‌ت.
ئاژانسا ئانادۆل یا توركى به‌لاڤكریه، ده‌سته‌یا رێكخستنا بازارێ وزێ ل توركیا رێك ب كۆمپانیا ئاكسه‌ن یا وزێ دایه سه‌د و پێنجى مێگاواتێن كاره‌بێ بو ده‌مێ یازده مه‌هان بۆ ئیراقێ ب هنێریت.
ژ ئالیێ خوه‌ڤه ئه‌حمه‌د عه‌بادى، په‌یڤدارێ وه‌زاره‌تا كاره‌با ئیراقێ بو میدیایا وه‌لاتێ خوه دیاركریه، ئه‌و په‌یاما ژلایه‌نێ توركى ڤه هاتیه به‌لاڤكرن یا بێ بنه‌ما یه و گۆت هنارتنا كاره‌بێ بۆ ئیراقێ پێدڤى ب دیراسه‌تكرنا پتر هه‌یه.
میدیایێن توركی دیاركریه كو به‌غدا و ئه‌نقه‌ره رێكه‌فتینه بۆ دابینكرنا كاره‌بێ دێ ژ بیست و هه‌شتێ ڤێ مه‌هێ (ئه‌ڤرو) ده‌ست پێكه‌ت و بو ده‌مێ یازده هه‌یڤان به‌رده‌وام بیت،مسته‌فا یه‌لماز، سه‌روكێ ده‌سته‌یا رێكخستنا بازارێ وزێ ل توركیا راگه‌هاندیه، كو وه‌لاتێ وى نوكه دشیان دا یه كاره‌با پێدڤى بۆ وه‌لاتێن جیران په‌یدا بكه‌ت.
