هه‌شتێ و دو په‌نابه‌رێن ئیراقى ژ كه‌مپه‌كا سه‌ر سنۆرێ توركیا و سووریا، ڤه‌گه‌ریانه وه‌لاتێ خۆه.
وه‌زاره‌تا كۆچ و كۆچبه‌رێن ئیراقێ راگه‌هاند، هه‌شتێ و دو په‌نابه‌رێن ئیراقى ل ئێك ژ كه‌مپێن سه‌ر سنۆرێ توركیا و سووریا، ب حه‌زا خۆه ڤه‌گه‌ریانه ئیراقێ.
رێڤه‌به‌رێ گشتى یێ فه‌رمانگه‌ها كاروبارێن كۆچبه‌ران ل وه‌زاره‌تا كۆچ و كۆچبه‌ران راگه‌هاند، ل سه‌ر فه‌رمانا ئیڤان فایه‌ق، وه‌زیرێ كۆچ و كۆچبه‌ران و ب هه‌ماهه‌نگى دگه‌ل بالیۆزخانا ئیراقێ ل ئه‌نقه‌ره و وه‌زاره‌تا ڤه‌گوهاستنا ئیراقێ، هه‌شتێ و دو په‌نابه‌رێن ئیراقى ل كه‌مپا ئه‌كه‌د یا سه‌ر سنۆرێ توركیا و سووریا، ب حه‌زا خۆه ڤه‌گه‌راندینه وه‌لاتى.
تالب ئه‌سغه‌ر، رێڤه‌به‌رێ گشتى یێ فه‌رمانگه‌ها كاروبارێن كۆچبه‌ران ل وه‌زاره‌تا كۆچ و كۆچبه‌ران ئاماژه ب وێ یه‌كێ ژى دا، ئه‌و په‌نابه‌ره ب رێیا ده‌ریێ سنۆرى یێ ئیبراهیم خه‌لیل ل قه‌زا زاخۆ هاتینه ڤه‌گه‌راندن، پتریا وان په‌نابه‌ران ڤه‌گه‌ریاینه سه‌ر جهـ و وارێن خۆه ل پارێزگه‌هێن سه‌لاحه‌دین و ئه‌نبار و نه‌ینه‌وا.
