ڤیستەڤالا بەفرێ یاسالانە ل ناوچەدارییا باتیفا سەر ب قەزا زاخۆ ڤە ب پشکداربوونا شوفێرێن سنۆرێ زاخو دھێتە کرن، لێ بو ئەڤ سالە رەوش جودایە ژبەر کۆرۆنایێ و رەوشا ئەمنی، گۆمان ھەیە فەستیڤال نەھێتە کرن .
ئەیھەم جامی، بەرپرسێ ناڤەندا چالاکی و پێگەھاندنا لاوێن باتیفا و رێکخەرێ فەستیڤالا سالانەیا بەفرێ تایبەت بۆ خانی نیوز راگەھاند، فەستیڤال وەک بەرنامە سالانەیە کو پتریا شوفێرێن زاخۆ بەریکانێ تێدا دکەن دناڤا بەفرێ دا ل بنارا چیایێ سیارێ ل سنۆرێ ناحیا باتیفا، لێ ئەڤ سالە رەوش جودایە ژبەرکو ھێشتا کۆرۆنا ھەیە و ژبلی وێ چەندێ ژی جھێ فەستیڤالێ دەرڤەیی سنۆری یە و نە ئارامە ژبەر ئالۆزیێن شەری د ناڤبەرا پەکەکێ و تورکیا دا.
ئەیھەم جامی ئاشکرا کر، بۆ وێ مەرەمێ دگەل جھێن پەیوەندیدار دووڤچوون کریە لێ ھەتا نھا نەگەھەشتینە چ ئەنجامان کا دێ جەوا شێن بەردەوامیێ ب فەستیڤالا خوە یا سالانە دەن، گۆمان ھەیە بھێتە پاشخستن یان ژی ب ئێکجاری نەھێتە کرن.
خانی نیوز، نزارمەجید
