وەزارەتا ناڤخوەیا حکومەتا ھەرێما کوردستانێ دبەیانناما ژمارە ٥٧ یا تایبەت ب پاراستنا ئاساییشا ساخلەمیا ھەرێما کوردستانێ بەلاڤکر و تێدا ھەژمارەکا بریارێن نوو بۆ پاراستنا رەوشا ساخلەمیا ھەرێمێ ھاتینە دان.
بڕیارا ئێکێ قەدەغکرنا گەشتکرنا وەلاتیێن ئیراقێ یە ب رێیا دەرگەھێن سنرری یێن ھەرێما کوردستانێ بۆ وەلاتێن بریتانیا، ئەفریقیا باشوور، ئوسترالیا، دانیمارک، ھۆلەندا، بەلجیکا، ئیران و ژاپۆن.
بریارا دویێ قەدەغکرنا ھاتنا کەسێن بیانی ژ وان وەلاتان ژبلی ھنارتیێن دپلۆماتکاری و شاندێن فەرمی.
ھەروەسا ئەو وەلاتیێن ئیراقێ یێن ل وەلاتێن ناڤێن وانا د قەدەغەکرنێ دا ھاتین، ل دەمێ ڤەگەریانێ بۆ دەمێ ١٤ رۆژان دێ ھێنە کەرنتیکرن، دەرگەھێن سنۆری حاجی ئۆمەران، باشماخ و پەرۆیزخان ژی دێ بەرامبەری گەشتیاران ھێنە گرتن.
ھەروەسا ل گۆرەی بریارا وەزارەتا ناڤخوەیا ھەرێمێ، ھەموو کۆمبوون و کۆنفراس و خرڤەبوون د قەدەغەنە، دەوات و شاھی و چوونا سەر گۆرستانان و سەرەخۆشی ھاتینە قەدەغەکرن و ھەر سەرپێچیەکا ھەبیت ب کۆژمێ ٢ ملیۆن دیناران دێ ھێنە سزدان.
ھەروەسا ھەمی جھێن وەکو مارکێت و خوارنگەھـ و جھێن بازارکرنێ بێی بەرکرنا ماسکان نابیت رێ ب چ کەسەکی بھێتە دان بچیتە دناڤا وان جھی دا و ھەر سەرپێچیەکا ھەبیت دێ بھایێ ئێک ملیۆن دیناران ھێتە سزادان.
بۆ دەزگەھێن کەرتێ تایبەت ل بەرکرنا ماسکان نەچاریە و ھەر دەزگەھەکێ سەرپێچی ھەبیت، ١٥٠ ھەزار دینار بۆ ھەر حالەتەکی دێ ھێتە سزادان، ھەروەسا پێدڤیە خەلکێ ھەرێمێ رێکارێن خوپاراستنێ بەرچاڤ بگرن و ھەر کەسەکێ ل بەرکرنا ماسکێ بجھـ نەئینیت دێ ب ٢٠ ھزار دیناران و شۆفێر ژی پێگیریێ ب رێنمایان نەکەن دێ ب ٥٠ ھزار دیناران ھێتە سزادان.
وەزارەتا ناڤخۆیا ھەرێمێ: گەشتکرنا ٨ وەلاتان بۆ خەلکێ ھەرێمێ قەدەغەیە
