رێڤه‌به‌ریا ئاسایشا حاجى ئۆمه‌ران یا سه‌ر ب رێڤه‌به‌ریا ئاساییشا سۆران ڤه، شیان ده‌ست ب سه‌ر چل و ئێك كیلۆگرامێن ماددێن هشبه‌ر ژ جورێ تلیاك دا بگرن، كو ب شێوه‌یه‌كێ شاره‌زایانه د ناڤ ده‌شبولێ ترۆمبێلێ دا هاتبوونه ڤه‌شارتن و تۆمه‌تباران دڤیا ده‌ربازى هه‌رێما كوردستانێ بكه‌ن.
پشتى پشكنینێن هوور، هێزێن ئاساییشێ شیان ده‌ست ب سه‌ر ماددێ هشبه‌ر دا بگرن و تۆمه‌تباره‌كى ب ناڤێ ر.م.ع یێ خه‌لكێ ئیرانێ ده‌سته‌سه‌ربكه‌ن، د دویڤ دا ب هاریكاریا رێڤه‌به‌ریا ئاساییشا سه‌لاحه‌ددین شیان تۆمه‌تباره‌كێ خه‌لكێ هه‌رێما كوردستانێ یێ په‌یوه‌ندیدار ب هه‌مان كه‌یسێ ڤه ده‌سته‌سه‌ربكه‌ن.
لاپه‌رێن ڤه‌كۆلینێ بۆ هه‌ردو تۆمه‌تباران هاتینه ڤه‌كرن و ل گۆره‌ى ماددێ چارده یێ قانوونا ماددێن هشبه‌ر بۆ دادوه‌رێ ڤه‌كۆلینێ ره‌وانه‌كرینه.
