تۆرەکا بازرگانیکرنێ ب مروڤان ل بەغدا ھاتە ئاشکەراکرن 

تۆرەکا مافیا یا بازرگانیکرنێ ب ئەندامێن لەشێ مرۆڤان ل بەغدا ھاتە ئاشکەراکرن. 

ئاژانسا ھەوالگری و ڤەکۆلینێن فیدرالی یا ئیراقێ د بەیانەکێ دا راگەھاند، تیمه‌كێ بازرگانیكرنێ ب ئه‌ندامێن له‌شێ مرۆڤان كو ژ چار ئەندامان پێكهاتبوو ل دەڤەرا کەرادە ل بەغدا ھاتنە دەستەسەرکرن. 

ئاژانسا ھەوالگێری و ڤەکۆلینێن فیدرالی یا ئیراقێ گۆت: ئەو ھەر چار کەسە ل دەمێ کرین و فرۆتنا زارۆکەکی، ھاتنە دەستەسەرکرن. 

ئاماژە ب وێ یەکێ ژی دایە، ئەو کەسێن دەستەسەرکری ب به‌هانا چارەسەرکرنا ل دەرڤەی وەلاتی خەلک د خاپاند و د دووڤ دا بازرگانی ب ئەندامێن لەشێ وان دکر.