حكومه‌تا یۆنانێ بۆ كڕینا 18 فرۆكه‌یێن شه‌ڕی، رێككه‌فتنه‌ك د گه‌ل فره‌نسا ئیمزا كر و ئاماژه‌یه‌كه بۆ خوه‌ئاماده‌كرنا جه‌نگی ل دژی توركیا.
كیریاكۆس میكۆتاكیس، سه‌رۆكوه‌زیرێن یۆنانێ ل ناڤا په‌رله‌مانێ وه‌لاتێ خوه دا ئاماژه كرییه، حكومه‌تا یۆنانێ بۆ كرینا 18 فرۆكه‌یێن شه‌ڕی د چه‌ند رۆژێن بهێن دا رێككه‌فتنه‌كێ دگه‌ل فره‌نسا ل ئه‌سینا ئیمزا كه‌ت و د ده‌مه‌كێ نێزیك دا فرۆكه دێ گه‌هن یۆنانێ.
هه‌روه‌سا باس ل خرابییا په‌یوه‌ندیا د ناڤبه‌را یۆنان و توركیا دا كر و گۆت: گرژیێن وان دگه‌ل توركیا ل دۆر ده‌ریایا سپی توندتر بووینه و دڤێت ئه‌و خوه پرچه‌ك بكه‌ن و هێزێن خوه توندتر بكه‌ن.
ل گۆر زانیارییان، حكومه‌تا یۆنانێ تووشی قه‌یرانێ بوویه و د بودجه‌یا 2021 دا ئابووریا وه‌لاتێ وێ 10.5% دێ بچوك بیت.
