خانی نیوز:
ھەژمارا کەسێن د بیڤەلەرزا باژارێ ئزمیریێ تورکی دا ژیانا خوە ژ دەست دای گەھشتە بیست و چار کەسان و ھەشتسەد و چار کەس ژی بریندار بووینە.
سەرۆکاتییا برێڤەبەرنا کارەسات و رەوشێن ئاوارتەیا تورکیا ئاگاھیێن نوو ل دۆر ھەژمارا قۆربانیێن بیڤەلەرزا باژارێ ئزمیرێ ئاشکرا کرن و راگەھاند، ژ ئەگەرێ بیڤەلەرزا باژارکێ سەفەریھیسار سەر ب ئزمیرێڤە، تا نھا بیست و چار کەسان ژیانا خوە ژ دەست دایە و ھەشتسەد و چار کەس ژی بریندار بووینە.
سەرۆکاتییا برێڤەبەرنا کارەسات و رەوشێن ئاوارتەیا تورکیا ئاشکرا ژی کر، پشتی بیڤەلەرەزا باژارکێ سەفەریھیسار چار بیڤەلەرزێن دی رووداینە و د سەر چار پلەیان دا بوون ل گۆرەی پیڤەرێ رێختەر، ھەوا لێگەریان و رزگارکرنا قۆربانیان ژی د ھەڤدە ئاڤاھییان دا بەردەوامە.
بیڤەلەرزەکا ب ھێزا شەش پۆینت ھەشت پلە ل گۆرەی پیڤەرێ رێختەر دوھی سەعەت دو و پێنجی و ئێک خولەک پشتی نیڤرۆ پارێزگەھا ئزمیر ل باکۆرێ رۆژئاڤایێ تورکیا ھەژاند، ھەر ب ئەگەرێ وێ بیڤەلەرزێ دو کەسان ل یۆنانستانێ ژی ژیانا خوە ژ دەست دا.
ئزمیر: تا نھا ٢٤ کەسان د بیڤەلەرزێ دا ژیانا خوە ژ دەست دایە
