کۆمپانیا سۆمۆ یا ئیراقى راگەهاند: قەبارێ بەرهەمئینانا په‌ترۆلێ ل هەرێما کوردستانێ رۆژانە ٢.٢٥% بلند بوویە.
کۆمپانیا سۆمۆ ئامارێن بەرهەمئینانا په‌ترۆلێ ل ئیراق و هەرێما کوردستانێ بەلاڤکرینه و چریا دویێ ب هەڤبەرکرن ل گەل چریا ئێکێ بەرهەمئینانا په‌ترۆلێ ل ئیراقێ ٥% نزمبوویە و رۆژانە ٣ ملیۆن و ٢٢٩ هزار بەرمیلێن په‌ترۆلێ هاتینە بەرهەمئینان.
هه‌روه‌سا گۆتیه، ل هه‌یڤا بوورى ل هەرێما کوردستانێ ل هەمبەرى چریا ئێکێ رێژا بەرهەمئینانا په‌ترۆلێ ٢.٢٥% بلند بوویە و رۆژانە ٤٥٦ هزار به‌رمیل بەرهەمئیناینه.
کۆمپانیا سۆمۆ دیارکریە ژى، هنارتنا په‌ترۆلا ئیراقێ ل چریا دویێ ب هه‌ڤبه‌ركرن ل گەل چریا ئێکێ یا ئەڤ سالە ٦% داکەفتیە و رۆژانە دو ملیۆن و ٧٠٩ هزار بەرمیل بۆ ده‌رڤه هاتینە رەوانەکرن.
هه‌روسا گۆتیه، ل چریا دویێ هنارتنا په‌ترۆلا کوردستانێ زێدەبوویە و رۆژانە ٤٢٦ هزار بەرمیل هاتینە هنارتن، ب هەڤبەرکرن ل گەل چریا ئێکێ یا ئه‌ڤ ساله زێدەبوویە کو رۆژانە ٤١٦ بەرمیل هاتینە رەوانەکرن.
