ژ ئه‌گه‌رێ كێمبوونا مه‌ترسیا تووشبوونا ب ڤاپرۆسێ كۆرۆنایێ و دیتنا ڤاكسینى، بهایێ په‌ترۆلێ د چه‌ند حه‌فتیێن بووری دا بلندبوو و گه‌هشته هه‌مان ئاستێ هه‌یڤا ئادارا سالا بوورى، كو بلندترین بهایه به‌راورد ب حه‌فت هه‌یڤێن بوورى.
بهایێ پترولێ به‌راورد ب دوهى بلندبوو، ئه‌ڤرۆ په‌ترۆلا برێنت ب 55 دۆلار و 88 سه‌نتان هات فرۆشتن و خاڤا تێكساس ب 52 دۆلار و 14 سه‌نتان بازار پێ هات كرن.
د هه‌یڤا ئادارا سالا بوورى دا، بهایێ په‌ترۆلێ د بازارێ جیهانێ دا نزمترین ئاست ل پشتى سالا 2002 تۆماركر، ب جوره‌كێ بهایێ ئێك به‌رمیلا برێنت د بن 25 دۆلاران بازار پێ دهاته كرن.
