سه‌رۆككۆمارێ توركیا داخواز ژ وه‌لاتیێن خوه كر پاره‌یی خوه‌یێ هه‌لگرتى ب لیره‌یێ توركى بگوهۆرن و راگه‌هاند، ئه‌و كاردكه‌ن كو رێژه‌یا قازانجى بۆ ئاسته‌كێ ناڤجى د بازارى دا نزم بكه‌ن.
ره‌جه‌ب ته‌یب ئه‌ردۆغان پشتى د گه‌ل كابینا حكومه‌تا خوه كۆم بووى راگه‌هاند، پشتى داوى هاتنا دانوستاندنان ل سه‌ر پرۆه‌ژقانوونا بودجه‌یا وه‌لاتێ خوه، دێ وێ قانوونێ پێشكێشى په‌رله‌مانى كه‌ن بۆ په‌سه‌ندكرنێ، چاڤه‌رێ ژى دكه‌ن وه‌به‌رهێنانا بیانى ئاستێ سه‌رمایه‌یێ خوه ل توركیا زێده بكه‌ن.
ئه‌ردۆغان داخواز ژ هه‌موو وه‌لاتیێن خوه كر پاره‌یێ خوه‌یێ هلگرتى بۆ لیره‌یێ توركى بگوهۆرن و راگه‌هاند، بزاڤان دكه‌ن رێژه‌یا قازانجى بۆ ئاسته‌كێ ناڤنجى كێم بكه‌ن.
داخوازا ئه‌ردۆغان پشتى وێ یه‌كێ دهێت كو وه‌لاتیێن توركیا داخوازه‌كا مه‌زن ل سه‌ر كڕینا دراڤێ بیانى هه‌بوو و گه‌هشتبوو ئاسته‌كێ پیڤایى.
