ل سه‌ر بانگهێشتا وه‌زاره‌تا چاندنا توركیا، شانده‌كێ وه‌زاره‌تا چاندنێ یا هه‌رێما كوردستانێ سه‌ره‌دانا توركیا كر.
وه‌زاره‌تا چاندن و ژێده‌رێن ئاڤێ د مالپه‌رێ خوه یێ فه‌یسبووكێ دا به‌لاڤكرییه، ل سه‌ر بانگهێشتا وه‌زاره‌تا چاندنا توركیا، شانده‌كێ ب سه‌رۆكاتییا بێگه‌رد تاله‌بانی، وه‌زیرا چاندنێ، ئایدن مه‌عروف، وه‌زیرێ هه‌رێمێ بۆ كاروبارێن پێكهاته‌یان و هژماره‌كا وه‌به‌رهێنه‌رێن كوردستانێ به‌ریا سێ رۆژان سه‌ره‌دانا توركیا كرن، سه‌ره‌دان ژی ب مه‌به‌ستا بهێزكرنا پرۆژه‌یێن وه‌به‌رهێنانێ و پێشخستنا كه‌رتێ چاندنێ و ژێده‌رێن ئاڤێ بوو.
ئاماژه كرییه ژی، د سه‌ره‌دانا خوه دا دگه‌ل پارێزگارێ عه‌نتابێ و هژماره‌كا كۆمپانییان كۆمبوون و بڕیاره ل نزیك دگه‌ل پشكه‌كا وان كۆمپانییان چه‌ندین گرێبه‌ستێن هه‌ڤپشك ئیمزابكه‌ن.
