سه‌رۆكێ شاندێ دانوستانكارێ حكومه‌تا هه‌رێما كوردستانێ د گه‌ل حكومه‌تا فیدرال راگه‌هاند، ئه‌و به‌رهه‌ڤن داهاتێ په‌ترۆلێ و داهاتێن دى راده‌ستى به‌غدا بكه‌ن و تا نها ئه‌و چاڤه‌رێ به‌رسڤا به‌غدا دكه‌ن كا همبه‌رى وێ یه‌كێ دێ پشكا هه‌رێمێ ژ بودجا فیدرال چه‌ند بیت.
قوباد تاله‌بانى، جێگرێ سه‌رۆكوه‌زیرێن هه‌رێما كوردستانێ و سه‌رۆكێ شاندێ دانوستانكارێ حكومه‌تا هه‌رێمێ د گه‌ل حكومه‌تا به‌غدا د پرێسكۆنفرانسه‌كى دا راگه‌هاند، ئه‌و به‌رهه‌ڤن داهاتێ په‌ترۆلێ و یێن نه په‌ترۆلێ راده‌ستى به‌غدا بكه‌ن، نها ژى ئه‌و چاڤه‌رێ به‌رسڤا به‌غدا نه كا همبه‌رى وێ یه‌كێ پشكا هه‌رێمێ ژ بودجا فیدرال دێ چه‌ند بیت.
قوباد تاله‌بانى گۆت ژى: دانوستاندن به‌رده‌وامن و ئه‌و دێ ل به‌غدا مینن تا دگه‌هن رێككه‌فتنێ، داخواز ژى ژ هه‌موو ئالییان كر هه‌دارێ بكێشن، ژبه‌ركو ئه‌و ل به‌غدا نه دا حه‌قێ هه‌رێما كوردستانێ و مووچه‌خۆران وه‌رگرن و یێ پشتراست بوو كو دێ گه‌هن ئه‌نجامه‌كێ سه‌ركه‌فتى.
