وەزارەتا ساخلەمییا ھەرێما کوردستانێ راگەھاند: ژ دوھی وەرە ٧٠ توشبوویێن نوو یێن کۆرۆنایێ ھاتنە تۆمارکرن و ٩٤٠ تووشبوو چاکبوونە و پێنج کەسان ژی گیانێ خۆ ژ دەست داینە.
وەزارەتا ساخلەمییا ھەرێما کوردستانێ د راگەھاندنەکێ دا بەلاڤکرییە، د ٢٤ دەمژمێرێن بۆری دا ٣٢٠٣ پشکنینێن کۆرۆنایێ ھاتنە کرن، ٧٠ تووشبوو ب ڤایرۆسی ھاتنە تۆمارکرن، ٦ توشبوو ل ھەڤلێرێ، ٢٣ ل سلێمانێ، و ٣٩ ل دھۆکێ و ٢ توشبوو ژی ل گەرمیان.
ئاماژە ب وێ چەندێ ژی کر، ٩٤٠ تووشبوو چاکبووینە، ٣٢٢ ل ھەڤلێرێ، ١٦٨ ل سلێمانیێ، ٣٦٩ ل دھۆکێ و ٣٧ ل گەرمیان و ٤٣ ل راپەرین بوون، پێنج تووشبوویان ژی گیانێ خۆ ژ دەست داینە، ٣ ل سلێمانیێ و ٢ تووشبوو ل دھۆکێ بوون.
ل دووڤ ئامارێن وەزارەتا ساخلەمیێ، ھەتا نوکە ژی ١٠٥٨٣٩ کەس تووشی ڤایرۆسێ کۆرۆنایێ بوون، ٩٦٣٤٠ تووشبوو چاکبووینە و تا نوکە ٦٠٣٥ تووشبوو ل ژێر چارەسەریێ داینە و ٣٤٦٤ تووشبوویان گیانێ خۆ ژ دەست داینە.
