بریارده‌رێ لژنا دارایى ل جڤاتا نوونه‌رێن ئیراقێ بۆ خانى نیوز راگه‌هاند؛ دانوستاندن د به‌رده‌وامن و ئه‌و دگه‌شبینن بگه‌هنه رێككه‌فتنێ.
ئه‌حمه‌د سه‌فار، بریارده‌رێ لژنا دارایی ل جڤاتا نوونه‌ران بو خانى نیوز راگه‌هاند، بۆ ده‌ما 3 حه‌فتییانه دانوستاندن دبه‌رده‌وامن و ب هیڤینه بگه‌هنه رێككه‌فتنێ.
دیار ژى كر، شاندێ هه‌رێمێ ب سه‌رۆكاتییا قوباد تاله‌بانى ب هه‌موو ده‌ستهه‌لاتێن رێككه‌فتنێ هاتینه به‌غدا و هه‌موو باده‌كێن پێدڤى داینه ئالیێ به‌رامبه‌ر ژ باده‌كێن په‌ترۆلێ و یێن فه‌رمانبه‌ران و خالێن سنورى ژی، دیسان شاندێ هه‌رێمێ یێ جددى یه بۆ چاره‌كرنا كێشه‌یێن هه‌لاویستى دگه‌ل به‌غدا.
ئه‌حمه‌د سه‌فار ل دۆر ره‌زامه‌ندییا ئالییان ژی گۆت: ئالیێن به‌غدا د نها دا بووینه دو ئالى، ئالیه‌ك یێ رازییه ب هه‌موو داخازییێن كوردستانێ و ئالیه‌كێ دى ژى هیشتا یێ به‌رده‌وامه ل سه‌ر دانوستاندنان، لێ ئه‌و دگه‌شبینین كو د 2 رۆژێن داهاتى دا هه‌ولێر و به‌غدا بگه‌هنه رێككه‌فتنا دووماهیێ.
