روانگەها عێراقی یا كەسك: پیسبوونا هەوایی ل بەغدا گەهشتییە ئاستەکێ مەترسیدار
روانگەها ژینگەهی یا عێراقا كەسك تەکەزییێ ل سەر وێ چەندێ دکەت کو پیسبوونا هەوایی ل بەغدا ژ ئەگەرێ رێکارێن بێ ئەنجام یێن لایەنێن پەیوەندیدار بەرامبەر دۆسەیا چالاکیێن سەرپێچیکار ل سنوورێ ژینگەها پایتەختی یا بەردەوامە، هەڤدەم داخۆیانیێن فەرمی ژی سەبارەت راگرتنا وان چالاکیان ب “نەدروست” وەسف کرن.
ئەڤرۆ ئێکشەمبی، 22ـی چریا دووێ یا 2026، روانگەهێ د نووترین راپۆرتا خۆ دا رۆهنکر، پیسبوونا هەوایی ل بەغدا چەند هەیڤە یا بەردەوامە و د چەند رۆژێن بۆری ژی دا ژ ئەگەرێ وان چالاکیێن کو سەرپێچیا پیڤەرێن ژینگەهی دکەن، ب تایبەتی کارگەهێن قێری، دژوارتر بوویە، روانگەهێ ئاماژە ب هەبوونا نێزیکی 8 هزار چالاکیێن سەرپێچیکار ل پایتەختی کر کو پابەندی پیڤەرێن فەرمی یێن ژینگەهێ نینن.