پڕۆژێن ستراتیژی یێن هەرێما کوردستانێ ب قەرێن بانکا نێڤدەولەتی دێ هێنە بجهئینان

پشتی دو سالان ژ بزاڤ و دانوستاندنان، حکومەتا هەرێما کوردستانێ شییا دو پڕۆژێن گرنگ یێن رێك و پرا ب كۆژمێ 80 ملیۆن دۆلاران ل سەر قەرێن بانکا نێڤدەولەتی د رەشنڤیسا پڕۆژەیاسایێ بودجەیێ ساڵا 2027 دا جهگیر بکەت، کو هەردو پڕۆژە رێكێن سەرەکی یێن دناڤبەرا (دهۆک – زاخۆ) و (سلێمانی – کەرکووک) دانە.
دکتۆر ئاگرین عەبدوللا، بریکارێ وەزارەتا ئاڤەدانکرن و ئاكنجیکرنێ ل حکومەتا هەرێما کوردستانێ، راگەهاند: د چارچووڤێ پرۆسا پێدانا قەرێن بانکا نێڤدەولەتی بۆ حکومەتا عێراقێ بۆ پڕۆژێن خزمەتگوزاری و ب تایبەت ل بیاڤێ رێك و پران دا، مە شییا پشتی دو سالان ژ گۆتوبێژان، 80 ملیۆن دۆلاران بۆ بجهئینانا دو پڕۆژێن رێك و پرا ل هەرێما کوردستانێ مسۆگەر بکەین و د رەشنڤیسا بودجەیێ 2027 دا جهگیر بکەین.