شێروان دوبەردانی، ئەندامێ پەرلەمانێ عیراقێ ل سەر فراكسیۆنا پارتی دیاركر، چاڤەرێیە ل نیڤا ڤێ هەیڤێ جڤاتا وەزیرێن عیراقێ، پرۆژەقانوونا بودجەیا 2027ێ پەسەندبكەت و ڕەوانەی پەرلەمانی بكەت، لێ پەرلەمان دێ ل دەستپێكا هەیڤا بهێت كەڤیتە د بێهنڤەدانێدا، ئەو دەمە گەلەكێ كێمە بۆ دانوستاندكرن و پەسەندكرنا پرۆژەی.
ئاشكرا ژی كر، پرۆژەقانوونا بودجەی پێدڤی ب خواندنا ئێكێ و یا دووێ و دووڤدا دەنگدانێ یە، ناكۆكییێن گەلەك مەزن دێ ل سەر هەبن و پێدڤی ب دەمەكێ زێدەتربیت، لەوما ب پشتراستیڤە پەسەندكرن دێ كەڤیتە سالا بهێت.
