<h1 style="text-align: center;">نێچيرڤان بارزانى: دێ پارێزه‌رێن مافێن ئێزدييان بين</h1> <h1 style="text-align: center;">ئه‌ڤڕۆ چارشه‌مبی 2026/10/21 ل هه‌ولێرێ ڕێوڕه‌سمەك بۆ ڕاگه‌هاندنا (تۆڕا ڕابوونا ڕزگاربوویان) یێن ئێزدى ساز كر كو به ئاماده‌بوونا هژماره‌‌كا به‌رپرس و مێهڤانان ژ ناڤخۆ و ده‌رڤەیى هه‌رێما كوردستانێ هاتە گێران.</h1> <h1 style="text-align: center;">. ئێزدیيا، ب خۆڕاگری و چاڤنەترسيیا خۆ، سەلماند کو تیرۆرێ دگه‌ل هەموو تاوان و هۆڤاتييا خۆ، نەشیا ئیرادا وان بشکێنیت، یان ئومێدا وان يا ب ژیانێ ژناڤ ببەت، وان دیار کر کو ئه‌و د ڕژدن ل سەر وێ یەکێ کو جارەکا دی ڕابنەڤە سەر پێیێن خۆ، مافێن خۆ ڤەگێڕن و پاشەڕۆژەکا باشتر بۆ خۆ و زارۆکێن خۆ ئاڤا بکەن. . ڕاگەهاندنا (تۆڕا ڕابوونا ڕزگاربوویان) ئەڤرۆ، دەربڕینە ژ ڤێ ئیرادێ و گاڤەکا گرنگە بەرەڤ قوناغەکا نوو کو تێدا ڕزگاربوویی بخۆ ببنە خودان دەستپێشخەری، دەنگ، و ڕۆلێ کاریگەر د پرس و بڕیارێن گرێدایی ماف و پاشەڕۆژا وان. . پیرۆزباهیێ ل ڤێ پێنگاڤا وان دکەین و پشتەڤانیا خۆ بۆ بزاڤ و ئارمانجێن وان دوباره دکەین. د ڤێ دەستپێشخەریێدا ئەم ده‌لیڤه‌یه‌كا گرنگ دبینین بۆ موکومکرنا هاریکاری و هەڤسۆزیێ د ناڤبەرا ڕزگاربوویێن هەموو پێکهاتێن بووينه قوربانيێن تاوانێن داعشێ. . ديسا دوباره دكه‌ين كو ل کوردستانێ، ل عیراقێ و ل هەر جهەکێ بيت، دێ بەردەوام پشەڤانێن وان و پاره‌زه‌رێن مافێن وان یێن ڕەوا و ناسنامەیا وان بين. هه‌روه‌سا هندى ڕه‌ڤاندييه‌ك مابيت، نڤێسنگه‌ها مه دێ به‌رده‌وام بيت بۆ ئازادكرن و ڤه‌گه‌ڕاندنا وان و دياركرنا چاره‌نڤيسێ وان. . بجهئینانا دادپەروەریێ، مسۆگه‌ركرنا مافێن ڕزگاربوویان، ئاشکراکرنا چارەنڤیسێ بێسەروشوينا، بجهئینانا یاسایا ڕزگاربوویێن ئێزدی، پەیداکرنا ڕەوشەکا دروست بۆ زڤڕینا ئاوارەیا و ئاڤەدانکرنا شنگالێ و ده‌ڤه‌رێن دى يێن ئێزدييا، ئەرکێن مه يێن سەرەکینە و بۆ ڤێ ئێكێ چ ژ ده‌ستێ مه بهێت، خه‌مساريێ ناكه‌ين.</h1>
