<h2 style="text-align: justify;"><span style="font-size: 18pt;">سه‌لیم رووكابی، په‌یڤدارێ وه‌زاره‌تا په‌ترۆلا عیراقێ ڕاگەهاند، د نوكه‌دا سه‌رجه‌مێ بەرهەمئینانا په‌ترۆلا خاڤ ل عیراقێ ڕۆژانه نێزیکی چار ملیۆن بەرمیلانە، نێزیكی سێ ملیۆن بەرمیلان ژی بۆ ده‌رڤه دهێنه هنارتن.</span> <span style="font-size: 18pt;">ل دۆر هنارتنا پەترۆلا هەرێمێ ژی دیاركر، ڕێژەیا هنارتنا پەترۆلا هەرێما کوردستانێ یا جهگیر نینە، به‌رده‌وام د بلندبوون و نزمبوونێ دایه، ڕۆژانە نێزیكی 2.7 ملیۆن بەرمیلان ب ڕێیا به‌نده‌رێن باشووری بۆ ده‌رڤه دهێنه هنارتن و یا مای ژی ب ڕێیا ده‌روازه و هێلێن باکووری (هەرێما کوردستانێ) دهێنه هنارتن.</span> <span style="font-size: 18pt;">دهێته زانین، هه‌یڤا بووری عیراقێ ڕۆژانە نێزیکی دوو ملیۆن و 650 هزار بەرمیلێن په‌ترۆلێ د هنارتن، کو 250 هزار بەرمیل ژی ب ڕێیا هەرێما کوردستانێ بوون بۆ بەندەرێ جەیهان، ئەڤ كوژمه 140 هزار بەرمیل ژ زه‌ڤییێن هەرێما کوردستانێ، 40 هزار بەرمیل ژ کەرکووکێ و نێزیكی 100 هزار بەرمیلان ژ په‌ترۆلا بەسرا بوون.</span></h2>
