ئەمریكا دێ ئێك ملیار دۆلاران بۆ عیراقێ هنێریت

بریارە ئەمریكا ل دەمەكێ نێزیك كوژمەكێ مەزنێ دۆلارێ كاش بۆ عیراقێ ب هنێریت، سەندیكا كۆمپانییێن گوهورینا پارەیی دیاردكەت، ب هاتنا دۆلاری، بهایێ دینارێ عیراقی دێ بلندبیت.
موزر محەمەد سالح شیرەتكارێ دارایی یێ سەرۆكوەزیرێن عیراقێ ئاشكراكر، ئەمریكا دێ نێزیكی ئێك ملیار دۆلارێن كاش بۆ عیراقێ دێ هنێریت.
هەروەسا ئاشكراكر، كوژمەكێ وی پارەی دێ بۆ مامەلەیێن گەشتیاری بیت، هەر گەشتیارەك دێ دوو هەیڤان جارەكێ، دوو هزار دۆلاران وەرگریت، ئەڤ پرۆسەیە دێ ب ڕێیا پلاتفۆرمێن دیجیتالی هێتە پەسەندكرن.
ژلایەكێ دیڤە زیا تائی، سەرۆكێ سەندیكا كۆمپانییێن گوهۆرین پارەیی ل عیراقێ ئاشكراكر، ئەو پارە ژ داهاتێ فرۆتنا پەترۆلا عیراقێیە، هەتا 25ی ڤێ هەیڤێ دێ گەهیتە عیراقێ، دگەل گەهشتنێ بهایێ دۆلاری دێ هێتە خوار، ڕەنگە 100 دۆلار بەرامبەر 165 هزار دیناران جهگیربن كو نوكە 100 دۆلار بەرامبەر 168 هزار دینارانە.