نێچیرڤان بارزانی، سەرۆكێ هەرێما كوردستانێ دپەیامەكێدا هیڤییا زوو ساخبوونێ بۆ پاپا لیۆیێ چاردێ، پاپایێ ڤاتیكانێ خواست، دووپاتی ل ڕۆلێ وی یێ گرنگ دبەلاڤكرنا ئاشتی و پێكڤەژیانێدا كر.
سەرۆكێ سەرۆكی هەرێما كوردستانێ ل سەر ئەكاونتێ خۆ یێ ئێكس پەیامەك ئاراستەیی پاپای كر و تێدا دیاركر، ب بیرئینانا ئەوێ دیدارا ل هەیڤا گولانێ دگەل پاپای كری، دێ ب خۆشتڤی مینیت.
نێچیرڤان بارزانی، دەربارەیی ساخلەمییا پاپای ئاشكراكر، پشتی نشتەرگەرییا وی یا ڤێ دووماهییێ، هیڤییا زوو ساخبوونێ و ساخلەمییەكا باش بۆ دخوازیت.
سەبارەت بزاڤێن پاپا فرانسیسی، سەرۆكێ هەرێما كوردستانێ ئاماژە ب هندێ دا، پابەندبوونا پاپای ب ئاشتی، كەرامەتا مرۆڤی و دیالۆگان دناڤبەرا گەلان دا بهایەكێ بلند هەیە.
سەرۆكێ هەرێمێ ل دووماهییا پەیاما خۆ نڤیسییە، ئەو هیڤیدارە پاپا ب وزەیەكا نوو و ساخلەمییەكا باش یێ بەردەوامبیت ل سەر ئەركێ خۆ یێ گرنگ بۆ گەشەپێدانا ئاشتی، بەزەیی و تێگەهشتنێ ل سەرانسەری جیهانێ.
