<h2>مەسرور بارزانی، سەرۆكێ حكومەتا هەرێما كوردستانێ، پێشوازی ل محەمەد شیاع سوودانی، سەرۆكێ هەڤپەیمانییا ئاڤەدانكرن و گەشەپێدانێ و سەرۆكوەزیرێن پێشتر یێ فیدرال كر.</h2> <h2> د دیدارا واندا، دووماهی گوهۆرین و پێشهاتێن ڕەوشا گشتییا عیراقێ و دەڤەرێ و پەیوەندییێن هەرێما كوردستانێ و حكومەتا فیدرال هاتنە گوتوبێژكر.</h2> <h2> هەردوو لایەن ل سەر گرنگییا گەشەپێدانا هاریكاری و هەماهەنگییا لایەنێن سیاسی یێن عیراقێ بۆ پشتەڤانیكرنا حكومەتا فیدرال ژ پێخەمەت زێدەكرنا داهاتێ گشتی و ڕووبرووبوونا ئاستەنگان و خزمەتكرنا هەموو وەلاتی و پێكهاتەیان بێی جۆداهی دهەڤرابوون.</h2> <h2> د تەوەرەكێ دییێ دانوستاندناندا، سەرۆكێ حكومەتێ دووپاتی ل گرنگییا ڕێزگرتن ل قەوارەیێ دەستووری و شایستەیێن دارایی یێن هەرێما كوردستانێ و دەستنیشانكرنا پشكا بودجەیا هەرێما كوردستانێ د بودجەیا گشتییا فیدرال دا بۆ سالا 2027ێ كر، كو پێدڤییە ب شێوەیەكێ دادپەروەرانە و ل دووڤ ڕێژەیا 14%ێ یا ئاكنجییێن هەرێما كوردستانێ بیت كو ئەنجامێ پەسەندكرییێ پشتی سەرژمێرییا گشتییا سالا 2024ێ یە.</h2>
