<h2>ئەڤرۆ ڕۆژا جیهانییا مامۆستایایە و سوبەهی ڕۆژا مامۆستایێن كوردستانێیە، ب ڤێ هەلكەڤتێ مەكتەبا سكرتارییەتا ئێكەتییا مامۆستایێن كوردستانێ دڕاگەهاندنەكێدا حەفت داخوازی ژ حكومەتێ كرن، ئەوژی:</h2> <h2> * ڤەگەڕاندنا پاشكەڤتی: هەموو ئەو مووچەیێن ل ڕابردووی بووینە پاشكەڤت یان نەهاتینە دان، بكەڤنە سەر هژمارێن بانكی یێن مامۆستایان.</h2> <h2> * دەستپێكرنا پلە بلندكرنێ: كاراكرنا شایستەیێن دارایی و پلەبلندكرنێ كو ژ 1ی شۆباتا 2016ێ وەرە هاتینە ڕاگرتن.</h2> <h2> * هەردەمیكرنا هەڤبەستان: هەموو مامۆستایێن ب هەڤبەست ببنە هەردەمی، وانەبێژ ژی ببنە هەڤبەست داكو كورتهێنانا میلاكان پرببیت.</h2> <h2> * خزمەتگوزاری بۆ پارچەیێن ئەردی: بەردەوامیدان ب بەلاڤكرنا پارچەیێن ئەردی و گەهاندنا خزمەتگوزارییێن سەرەكی بۆ ئەوان پارچەیێن پێ هاتینە دان.</h2> <h2> * قانوونا پارێزبەندییێ: داخواز ژ پەرلەمانێ كوردستانێ هاتە كرن، د خۆلا بهێت دا چاڤ خشاندنێ د پرۆژەقانوونا پارێزبەندییا مامۆستایاندا بكەت و پەسەند بكەت.</h2> <h2> * بودجە و دەستهەلاتێن زانكۆیان: بودجەیەكا ژ هەژی بۆ وەزارەتێن پەروەردێ و خواندنا بلند بهێتە تەرخانكرن، دەستهەلاتێن زێدەتر ب زانكۆیان بهێنە دان.</h2> <h2> * پشكداریكرن د بریاراندا: ئێكەتییا مامۆستایان نوونەرێ خۆ د هەموو جڤات و لژنەیێن بلند یێن پەروەردێ و خواندنا بلند دا هەبیت.</h2>
