وەلاتێ چینێ خۆدان تێوری و فەلسەفەیەکا خۆمالی یا ڕەسەنە ل سەر بنەمایێ میرات و فەرهەنگ و کەلتورێ چینی هاتییە دارشتن، پرسەکا ئونتولوژی یا گشتگیر ئازراندیە ئەز کیم
دێ کیڤە چم؟ خۆدان دیدگەهەکا (ڤژنە) کا زەلالە هەمی ئامرازێن جودا دارشتینە بۆ بەرجەستەکرنا ڤێ ڤژنێ، خۆدان ستراتیجیەتا
forging the chinese path to modernization with two integrations.
(دروستکرنا ڕێکا چینی بۆ نویخوازیێ ب دو تێکەلکرنان).
گەلەک ب جوانی هەفسەنگی ڕاگرتیە دناڤبەرا میراتێ کەلتوری و سەردەمی دا، مرۆڤ و روبوت پێکڤە سەمایا نەریتی دکەن.
دوهی یا ئینایە ئەڤرۆ، میراتێ وان یێ دژیت، ئەوان زاروک و گەنج و پیرو کال هەمی بەشدارکرینە، تو دشێی ڤژنا وان ل هەر جهی ببینی، ل ئەسمانی، دناڤ دەریایێ دا، ل سەر عەردی، تو دشێی هەست پێ بکەی، ل گەل ب ڕێڤە بچی، ب دەستی بگری، ب چاڤان ببینی ب گوهان گوهلێ بی، ئەو دەولەتەکە ب دو سیستەمان، تێکەلکرنەک دناڤبەرا سەرمایەداریێ و سوسیالیزمێ «ب ڕەخ ماتریالیزمێ ڤە روحا هەی» ئەوان ناسنامەیەکا نیشتیمانی یا هەڤبەش یا چێکری، پێکڤە کارەکێ ڕژد و دلسوزانە بۆ پاراستن و پێشڤەبرنا ڤێ ناسنامەیێ دکەن، تو دناڤ چاڤێن خەلکێ وان دا دبینی کو چین ڕوحا گشتی و مالا هەمیانە. د گەلەک بیاڤێن ژیانێ دا یێن گەهشتینە ئاستێن بلند یێن پێشکەفتنێ.
