<h2>نێچیرڤان بارزانی، سەرۆکێ هەرێما کوردستانێ پەیامەك ل دۆر 56 سالییا دامەزراندنا ئێكه‌تییا زانایێن ئایینێ ئیسلامی ل کوردستانێ بەلاڤکر.</h2> <h2> ده‌قێ په‌یامێ؛ د 56 سالییا دامەزراندنا ئێكه‌تییا زانایێن ئایینێ ئیسلامی ل کوردستانێدا، گەرمترین پیرۆزباهی ئاراستەی سەرۆك و ئەندامێن مەکتەبا تەنفیزی، سەرکردایەتی و هه‌موو مامۆستا و زانایێن ئایینێ پیرۆزێ ئیسلامێ ل هەرێما کوردستانێ دکەم و هیڤیا سەرکەڤتنێ بۆ دخوازم.</h2> <h2> دیرۆكا خەباتا زانایێن ئایینی و ئێكه‌تییا وان د قۆناغا خەباتا ڕزگاریخوازی و د سەردەمێ شۆره‌شێدا، مل ب ملێ پێشمەرگەی و ڕۆلێن گەلێ مە، ب پێزانین و ڕێزەکا مەزنڤە بلند د هه‌لسه‌نگینین، د ڤێ رۆژێدا، سلاڤا بۆ گیانێ پاکێ شەهیدێن زانایێن ئایینی و هه‌موو شەهیدێن ڕێیا ئازادیا کوردستانێ دهنێرین کو گیانێ خۆ ژ پێخه‌مه‌ت نیشتمانیدا كریه قوربان.</h2> <h2> مامۆستایێن ئایینی، هەردەم بنه‌مایێ سه‌ره‌كییێ پاراستنا بهایێن مرۆڤی و نشتیمانی بوون و ڕۆلەکێ بلند دگێڕن د چەسپاندنا ڕێیا ڕاست، لێبورین و پێکڤەژیانا دناڤبەرا پێکهاتەیاندا، هەروەسا د بەرهه‌نگاربوونا توندڕەوی و پاراستنا ئاشتییا جڤاكیدا. هەر د ڤێ ڕۆژێدا دووپات دكه‌ین کو کوردستان وەك هەردەم دێ وەك لاندکا پێکڤەژیانا ئاشتییانە مینیت.</h2> <h2> نێچیرڤان بارزانی سەرۆکێ هەرێما کوردستانێ 21/9/2026</h2>
