<h2>دووهی شاندێ هەرێما كوردستانێ، ل بەغدا كۆمبوونەكا درێژ دگەل فالح ساری وەزیرێ دارایی یێ عیراقێ ل دۆر بودجەیا 2027ێ كر، د كۆمبوونێدا داخوازەكا وەزیرێ دارایی ژلایێ شاندێ هەرێمێ ڤە هاتە ڕەتكرن.</h2> <h2> ل دووڤ زانیارییان شاندێ هەرێمێ دكۆمبوونێدا داخوازكربوو، مووچەیێ فەرمانبەرێن هەرێما كوردستانێ ژ هەموو بابەتان بهێتە جۆداكرن ژبەركو مافێ خەلكییە و نابیت ب ئاستەنگ و هەڤركییێن سیاسیڤە بهێتە گرێدان.</h2> <h2> هەروەسا دكۆمبوونێدا وەزیرێ دارایی یێ عیراقێ داخواركربوو، هەموو داهاتێ عیراقێ ڤەگەریتە گەنجینەیا وەزارەتا دارایی، پاشان ل دووڤ ڕێژەیا ئاكنجییان بهێتە بەلاڤكرن.</h2> <h2> شاندێ هەرێمێ ئەڤ داخوازە ڕەتكر و دیاركر، دەستووری و قانوونێ داهات دیاركرییە، هەرێما كوردستانێ پارێزگەهەك نینە، بەلكو دەستووری دیاركرییە كا پشكا هەرێمێ ژ داهاتێ وێ یێ ناڤخۆ و یێ پەترۆلێ چەند بۆ وێ یە و چەند بۆ عیراقێ یە، لەوما نابیت هەموو داهاتێ هەرێمێ بچیتە دگەنجینەیا وەزارەتا داراییا عیراقێ دا، دووڤدا وەزارەت پشكەكێ بۆ ڤەگەرینیت و ئەڤ داخوازا وەزیرێ دارایی هاتە ڕەتكرن.</h2>
