<h2>ڕێڤەبەرییا پۆلیسێن پارێزگەها دهۆكێ ڕاگەهاند، دوو تومەتبارێن داخازکریێن دادگەهێ کو خەلکێ پارێزگەها دهۆکێ نە قەستا پارێزگەها سلێمانییێ کربوو ب مەرەما قورتالبون ژ سزایێن یاسایێ، هاتنە دەستەسەركرن.</h2> <h2>پۆلیسێن دهۆكێ ئاشكراكر، دەمەكێ درێژە هەردوو تومەتبار ل تورێن جڤاکی لایفان ڤە دکەن، بێرێزییێ ب خەلکێ پارێزگەها دهۆکێ و دام و دەزگەهێن میری و چەندین کەسایەتیان کرینە، دادگەها لێكۆلینێ فەرمانا دەستەسەركرنێ بۆ وان دەرخستبوو، ئەوژی ڕەڤیبوون و چووبوونە باژێرێ سلێمانییێ، لێ ب هەماهەنگی دگەل پۆلیسێن سلێمانییێ هەردوو هاتنە دەستەسەركرن و بۆ پارێزگەها دهۆكێ هاتنە ڕەوانەكرن، دنوكەدا لێكۆلین گەلدا دهێتەكرن.</h2> <h2>ئاماژە ب هندێ دا، هەردوو تومەتبار دێ ڕووبروو دادگەهێ بن، ل دووڤ بەندێ دووێ یێ لێكۆلینێ كو ( خراب بكارئینانا ئامیرێن پەیوەندییێ ) یە، هێنە دادگەهكرن.</h2>
