<h2 style="text-align: center;">سەرۆک بارزانی: ب چ رەنگان رێك ناهێتە دان هەرێما کوردستانێ ببیتە پەناگەهەک بۆ گەندەلکاران</h2> <h2 style="text-align: center;">ئەڤرۆ چارشەمبی، 26ێ تەباخا 2026 ێ، ل پیرمام، سەرۆک مەسعود بارزانی پێشوازی ل د. محەمەد عەلی ئەللامی، سەرۆکێ دەستەیا دەستپاکیا عێراقێ کر. سەرۆکێ دەستەیا دەستپاکیا عێراقێ کورتییەک دەربارەیی بڕیارا نەهێلانا دیاردا گەندەلییێ و ب هەدەردانا سامانێ گشتی، بڕێڤەچوونا پرۆسا بەرهنگاربوونا گەندەلییێ ل عێراقێ، بزاڤێن سەرۆکوەزیرێن عێراقا فیدرالی بۆ سەرخستنا پرۆسێ، هەروەها بەربەست و ئاستەنگێن ل هەمبەر وێ پرۆسێ بۆ سەرۆک بارزانی دیار کرن. هەروەسا ئاماژە دا ڕۆلێ دیرۆكی یێ سەرۆک بارزانی د ئاڤاكرنا عێراقا نوو دا، داخوازا پشتەڤانییێ ژ سەرۆک بارزانی کر بۆ هاریکاریکرنا عێراقێ د بنبڕکرنا گەندەلییێ ل سەرانسەری عێراقێ دا، دیسا هەماهەنگی و هاریکاریێن دەزگەهێن فەرمی یێن هەرێما کوردستانێ بلند نرخاند و سوپاس و پێزانینێن خۆ و دەستەیا دەستپاکیا عێراقی ئاراستەیی سەرۆک بارزانی کرن. سەرۆک بارزانی دوپاتکر: ب چ رەنگان ڕێك ناهێتە دان هەرێما کوردستانێ ببیتە پەناگەهەک بۆ گەندەلکاران و د وێ پرۆسێ دا هێلا سۆر ل سەر چ کەس و لایەنان نینە.</h2>
