<h1 style="text-align: center;">وەزارەتێن دارایی و شەهیدان: موچە و ئیمتیازاتێن کەسوکارێن شەهیدان دێ وەكو یێن بەغدا لێ هێن</h1> <h1 style="text-align: center;">وەزارەتا دارایی و ئابۆری دیار کر، پێنگافێن وەكهەڤکرنا موچێن کەسوکارێن شەهیدان، ئەنفالکرییان و زیندانیێن سیاسی ل گەل بەغدا د هێنە گۆتوبێژکرن. ئەڤرۆ سێشەمبی، 18ـی ئابێ 2026، وەزارەتا دارایی و ئابۆری یا حکومەتا هەرێما کوردستانێ بەلاڤکر، د کۆمبوونەکا گرنگ و هەڤپشک دا د ناڤبەرا ئاوات شێخ جەناب، وەزیرێ دارایی و ئابۆری، و عەبدوللا حاجی مەحموود، وەزیرێ کاروبارێن شەهیدان و ئەنفالکرییان، ڕێکارێن وەكهەڤکرنا موچە و ئیمتیازاتێن کەسوکارێن شەهیدان، ئەنفالکرییان و زیندانیێن سیاسی ل گەل حکومەتا فیدرالی هاتنە گۆتوبێژکرن، ب مەرەما جهگیرکرنا وان د ڕەشنڤیسێ بودجێ 2027ێ دا. وەزارەتا دارایی و ئابۆری دیارکر، د کۆمبوونا د ناڤبەرا هەر دو ئالییان دا تێگەهشتنەکا هەڤپشک هەبوو داکو موچێ وان وەكو یێن بەغدا لێ بهێن، هەموو شایستەیێن دارایی یێن ڤێ تەخێ د بودجێ سالا 2027ێ دا بهێنە دەستەبەر کرن.</h1>
