<h2>نێچیرڤان بارزانی، سەرۆكێ هەرێما كوردستانێ ڕاگەهاند، د دووماهی سەرەداندا بۆ تەهرانێ، بەرپرسێن ئیرانێ گوتە وی كو ئەو دئامادەنە بابەتێ كونترۆلكرنا چەكی د دەستێن دەولەتێدا هاریكارییا سەرۆكوەزیرێن عیراقێ بكەن.</h2> <h2> نێچیرڤان بارزانی دووپاتكر، پێدڤییە چەك ب تنێ د دەستێن دەولەتێدا و ل ژێر فەرمانا فەرماندەیێ گشتییێ هێزێن چەكدار بیت كو ئەوژی سەرۆكوەزیرێن عیراقێیە.</h2> <h2> هەروەسا ئاماژە ب هندێ دا، ئەو ئاریشەیێن نوكە هەین، دەمێ سەرهلددەن هەموو د ئێك كەشتیدا نینن، د دەمەكیدا هەموو پێكڤەنە چ ل بەغدا یان بەسرە، زاخۆ و دهۆكێ.</h2> <h2> سەبارەت سەرەدانا وی بۆ ئیرانێ، نێچیرڤان بارزانی ئاشكراكر، ل سەر داخوازا سەرۆكوەزیران ل تەهرانێ بابەتێ كونترۆلكرنا چەكی دگەل بەرپرسێن ئیرانێ گوتوبێژكر، و دێ گەلەك ب ئاشكرایی بێژیت: ئەوا وی ژ بەرپرسێن ئیرانێ گوهلێبووی ئەوە كو گوتیە وی، ئەڤێ پەیامێ بگەهینە بەرێز سەرۆكوەزیران كو( ئەو د ئامادەنە دڤی بابەتیدا هاریكارییا وی بكەن).</h2> <h2> نێچیرڤان بارزانی وەسا دبینیت سەقامگێرییا عیراقێ دبەرژەوەندییا ئیرانێ ژی دایە و گوت: بەرژەوەندییا ئیرانێ ل عیراقێ چییە؟ بازرگانییێ دگەلدا بكەت، كارەبێ و گازێ پێ بدەتە فرۆتن، سالانە دێ 15 ملیار دۆلاران قازانج كەت.</h2> <h2> سەرۆكێ هەرێما كوردستانێ پرسیارەك ئاراستەیی گرووپێن چەكدار كر و گوت: دڤێت ئەو پرسیارێ ژ خۆ بكەن كا وان چ مفا گەهاندییە عیراقێ، ئەو درۆنێن بكارئیناین، ئەگەر ب عەقلانییەت هزربكەن، ئەو ئارمانجا مەزن چ بوو كو گەهشتینێ.</h2>
